Desfile SubUmbra de Troula Animación

Baixo a escuridade da noite escóndense seres descoñecidos, deambulan sen rumbo alimentándose da enerxía da escuridade. baixo o universo das sombras esperan o seu momento para facerse ver, confundindo os nosos sentidos, apoderándose do tempo para aparecer de entre a néboa coa súa demencia, delirio e caos infinito, ensinándonos o gran poder que lles outorga a escuridade… coidado… nunca sabes que podes atopar baixo as
sombras… SubUmbra…

Baux, personaxe zancudo que guía entre as sombras aos seus súbditos. Blame, desde o seu trono, xera o ambiente de caos a través da percusión e os seus temas de estilo hardcore. Dous seres da escuridade “home lobo” e “Nosferatu”, con ansias de apoderarse das almas que invaden o seu espazo, percorren os camiños encadeados. Rex e Xuno pechan esta comitiva das sombras, achegando faíscas, luz e lume ao percorrido.