Concerto:
Hijos del tercer acorde
Hijos del tercer acorde
Domingo XIII de xullo | Ás 21:00 h | Praza Arquitecto Antonio Palacios
Esta nutrida cuadrilla está composta por seis persoas reais -desdobrada cada unha no seu propio avatar ou rol-: Javier Noriega / Kale Arc’kam (voces, harmónicas e teclados), Darío Torralba / Darius Döppelganger (guitarra eléctrica e acústica), Juan Rivera / Jack de Sangreal (baixo, teclados e coros), Carlos Rodríguez / Charly Hidalgo (baterías, pandeireta e percusións en xeral), Guillermo López / Will Ou’Donnel (violín e mandolina) e Víctor Noriega / Viator Arc’kam (frautas, didgeridoo, arpa de boca e coros).
Hijos del tercer acorde, tamén coñecido como a fórmula case química de «HiD3A», leva divertindo en directo desde outubro de 2016. Valladolid é o seu centro de operacións e alí é onde demostran que igual de ben encaixan no escenario dun bar irlandés que nunha sala convencional de Rock.
Un cóctel explosivo de rock&roll, instrumentos folclóricos de diferentes culturas e letras 100% españolas nunha viaxe por Castela no ano 2064, onde unha banda de malfeitores coñecidos como Hijos del tercer acorde tenta sobrevivir na inhóspita Terra de Ninguén, buscando pequenas recompensas durante o día e tocando en tabernas sórdidas pola noite.
As súas cancións falan das alegrías e desventuras dos desposuídos, de aventuras lendarias que deixan pegada no ceo, de piratas bébedos perdidos e de amor incondicional nunha Castela futurista.
